Ti PalayCheck System para iti
Mapadanuman a Kapagayan

Ti PalayCheck ket kabaruanan a wagas ti panangaywan iti pagay. Ibilangna dagiti kasayaatan a pamuspusan ti teknolohia kas pagrukudan (Key Check); pagdiligenna dagiti aktual nga aramid ti mannalon ken kasa-yaatan a wagas; ken mangisuro babaen iti konsultasion dagiti mannalon tapno mapaadu pay ti apit, ganansia, ken masaluadan ti aglawlaw. Ti PalayCheck ket “panagadal, panagrukod, ken panagsisinnuro tapno lumaing nga agtalon”.

Ti PalayCheck ket napagkaykaysa a pamuspusan ti panangtaraken iti pagay. Bigbigenna a ti panagpataud iti nabuslon a pagay ket agpannuray kadagiti nadumaduma a banag a makaapekto iti panagdakkel ken apit ti pagay, kasta met ti kalidad ti irik, agraman ti aglawlaw. Isurona kadagiti man-nalon dagiti pamuspusan ti panagpaadu iti apit kas napagkaykaysa a wagas, a saan ket a maysa-maysa a paset kas iti panagabono wenno panagpaksiat iti peste laeng.

Sakupen ti PalayCheck dagiti nasken a paset ti panagaywan iti pagay kas kalidad ti bin-i, panagarado ken panagpalpal, panagraep/sabog-purwak, panagabono, panagpadanum, panagpaksiat iti peste, ken umno a panaggapas.

Kayat ti PalayCheck a rukuden dagiti mannalon ti pintas ti pagayda babaen iti ikeddengda a puntiria (target) nga apit. Ipaayna dagiti pagrukudan (Key Check) kas bagnos dagiti mannalon iti nasayaat a maaramid bayat ti panagdakkel ti pagay; ken no kasano a magun-odda dagiti puntiria. Tulungan ngarud ti PalayCheck dagiti mannalon a mangpasayaat iti wagas ti panagtalonda babaen kadagiti bukodda a padpadas ken sirib.

Comments (0)

Subscribe to this comment's feed

Show/Hide comments

Title
Comment	smaller | bigger
Name
Email
Write the displayed characters
Subscribe via email (Registered users only) I have read and agree to the Terms of Usage.
	Add Comment